الابراج اليومية

يسعد اوقاتكم بكل عافية ورضى

أبراج يوم الخميس

1فبراير2018

القمر ببرج مكمل ببرج الأسد ♌

الحمل
استفيد من هاليوم وانت بوضع افضل بكتير اليوم فرصة مهمة رح تحصل عليها وعندك امور ايجابية بتحصل بتساعدك فلا تخاف .. كون منتبه واستغل هاليوم والحظ بيدعمك بقوة وعندك القدرة تصل للي بدك ياه ..
عاطفيا .. يوم رومنسي بيتجدد فيه حبك او بتحصل على حب جديد وبتكون جذاب جدا للجنس الآخر وقادر تلاقي فرصتك .

الثور
عم تفكر كتير وبدك حلول وأحداث مهمة رح تحصل اليوم على صعيد العيلة والبيت عندك وممكن تشغل بالك .. حاول تكون هادي وتصرف بحكمة ولاتخلي هالشي يأثر عليك سلبا خليك قوي ..
عاطفيا .. عم تشعر بتقرب الكتير منك والأعجاب بس خايف من العلاقة ومافي شي عم يكمل ..

الجوزاء
خليك سريع وخلص بعض الامور يوم منيح نسبيا فيه كتير من الحركة ومن اللقاءات .. بتحس حالك بطاقة عالية ممكن تسافر وتعمل شي ايجابي وتطورات ناطرتك رغم كل شي والاجواء داعمة ..
عاطفيا .. الاصدقاء عم يظهرو اعجاب فيك حاول تكون واعي لهالشي وتفكر بقلبك وعقلك وتختار صح ..

السرطان
لاتضل لحالك واستفيد من هاليوم لتدعم شغلك وتضبط ميزانيتك انتبه من المصاريف الزايدة وتعامل بحذر ماليا .. وممكن يجيك مكسب من شغلك وعندك فرص شغل جديد بالمجمل في دفع وقبض عندك ..
عاطفيا .. عم تبحث عالاستقرار بس عم تلاقي صعوبة ومشاكل بوجهك اهدى ولا تكون متردد هيك خطوة بدها دراسة ..

الأسد
منيح انت وافضل ويوم عم ترجع الثقة بحالك لتغير الامور لصالحك عندك كل الطاقة لتكون مميز وناجح .. وقادر بهاليوم على قلب الأمور وفتح صفحة جديدة والخروج من التعب يلي أنت فيه وفرصة عمل مهمة ممكنة وتطور جديد ..
عاطفيا .. لاتفكر بالماضي عندك الكثير لتعيشه في المستقبل انطلق ولاتتردد واجواء رومنسية داعمة الك وحب جديد ممكن ..

العذراء
لا تكبر الأمور بالرغم أنو عم يسيطر التعب عليك وعم تشعر بتوقف كل شيء انتبه لصحتك وماتقوم بأي عمل جديد .. فترة سلبية عم تمر فيها ومافي حظوظ حاول ماتستفز حدا وتمرق هاليوم على خير وبعدا بيتحسن وضعك ..
عاطفيا .. انتبه من اي كلمة رح تحكيها ولاتكون متسرع لان العلاقة بهاليوم مارح تكون منيحة ..

الميزان
بدك سند حقيقي ويوم ييحمل الك حالة اجتماعية مميزة الكثير من الأصدقاء حولك وعندك دعم كبير .. حاول تحصل على المساعدة لتدفع باعمالك واستغل هاليوم منيح وحافظ على علاقاتك ولاتاخد قراراتك بتسرع ..
عاطفيا .. انت على ابواب خطوات جديدة حاول تحسم امورك وتصرف بمسؤولية تجاه العلاقة ..

العقرب
لا تهمل الدقة بشغلك وعم ينتظرك يوم متعب لازم تثبت نفسك وتتحمل المسؤولية .. يوم مناسب للي عم يدور على عمل بس بيحتاج للتركيز والهدوء وانتهاز الفرص المناسبة ..
عاطفيا .. عم يسيطر عليك الخوف من علاقتك وتشعر بأنك تسرعت أو تشعر بالأهمال فلا تنفعل ..

القوس
بعد تعب يوم حلو بيحملك كتير من الطاقة عندك سفر واتصالات مهمة ممكن تكون خارجية ومع ناس ما بتعرفن .. فخليك جاهز لتطورات حلوة عندك وحلول لمشاكلك والأمور عم تكون ايجابية عندك ..
عاطفيا .. اخبار حلوة وفرصة للأعذب يفوت بعلاقة حب اليوم وتحسن عام ..

الجدي
بيخف التوتر عندك وعم تناقش امور مالية وشغل يمكن عم تفكر كيف تحصل على مصاري من شركتك .. وعم تسد دين عندك تحسن هاليوم وبتطلع من الضغط يلي سيطر عليك الفترة السابقة وبتشعر بتحسن كبير ..
عاطفيا .. حاول تحل المشاكل مع الشريك ولا تكون عنيد بردة فعلك ..

الدلو
كتير توتر جواتك ومن الأيام الصعبة عندك ما فيها حلول بتلاقي حالك فيها مو مرتاح وعم تنفعل كتير وضايج .. طبيعي هاد الشي لاتكبر القصص ولاتفوت بمواجهات لان رح يكون اللوم عليك وطول بالك هاليوم بس ..
عاطفيا .. كون متفهم للشريك قدر الامكان لأن الوضع عم يسوء ..

الحوت
بتكتر عليك القصص واختبار لتحملك حاول هاليوم تنظم حياتك حتى مايلومك حدا انت قدام شغل كتير وممكن تعب صحي .. فانتبه وكون دقيق وانت قادر تخلص شغلك بس بحاجة سرعة واهتمام اكبر حتى تخلص كل شي ..
عاطفيا .. لاتزعل اذا مالقيت الشريك حدك وحاول تتفهم ظروفو هي الفترة وماتكبر المشاكل ..

❥🍃🌹