يسعد اوقاتكم بكل رقه ماس أبراج يوم الثلاثاء 30يناير2018

القمر ببرج السرطان ♋ وآخر السهرة بينتقل للأسد ♌

الحمل
عم تشعر بحجم مسؤولية كبير عليك وخاصة لان الموضوع اليوم بخص اهلك او بيتك بدك تكون متفهم وحكيم وتحل الامور بهدوء حتى ماتكبر عندك وممكن تغير مكان سكنك والمسا أفضل وفي حلول عندك ..
عاطفيا .. يمكن الحب عندك ماعم يكتمل وهالشي عم يعملك خيبة امل كبيرة حاول تعيش حبك بعيد عن الناس لان ممكن يكونو العامل الاكبر لهالشي ..

الثور
نشيط كتير و عم تتحرك اليوم وتفرض كلمتك وتكون مقنع للكل عم تتواصل وتتلقى اتصالات كتير وتكون ناجح بعملك .. وممكن تحصل على سفرة قصيرة وتتقدم بعملك بس هالشي بحدود لان وضعك مو كتير تمام وانتبه من حوادث السير والمسا بتناقش قصة بتخص العيلة عندك..
عاطفيا .. اليوم بيحملك لقاء رومنسي او مشوار مع الشريك حاول تفضي مخك وتقضي اوقات حلوة ..

الجوزاء
عم تفكر بامورك المالية يمكن عم تحس انو انت بحاجة وهاليوم ممكن تحصل فيه على المال بس انتبه من مصاريف زايدة .. وحاول تحرك شغلك وتحسن وضعك بالعمل والمسا بتزيد اتصالاتك مع المحيط يلي معك ..
عاطفيا .. حافظ على استقرار علاقتك ولاتكون متسرع باتخاذ قراراتك ويوم حلو بس خليك رايق

السرطان
انت منيح واخيرا عم تدعمك طاقة القمر وعم تفكر تغير وضعك وتخلص من القصص القديمة وتبدا من جديد .. انت افضل بكتير فكر بخطوات ايجابية لتطلع من حالتك والمسا بتفكر بقصص مالية عندك ..
عاطفيا .. خبر حلو وحكي رومنسي بانتظارك بس انت افتح قلبك

الأسد
حالة من الركود عم تمر فيها اعمالك بتحس كل شي ثابت وانت مو مرتاح وفي ناس عم تحاول توقعك .. بدي ياك تهدى حتى يمر هاليوم على خير واخر السهرة بتسمع اخبار حلوة وبتتحسن نسبيا ..
عاطفيا .. افكار عم تاخدك وتجيبك وماعم تعرف شو بدك او مع مين تستقر ..

العذراء
عم يدعمك صديق ويساعدك بقصة كانت تاعبتك حاول لاتضل لحالك وتفاعل مع رفقاتك .. وانتبه من مشكلة ممكن تكبر وخاصة اخر السهرة وحاول تضل بعيد عن الانتقاد اذا قدرت ..
عاطفيا .. عروض لحب جديد وماعم تعرف تختار بين قديم وجديد ..

الميزان
يوم مهم بيحملك ترقية بالشغل او شغل جديد كون منتبه من يلي معك ولاتعطي فرصة لحدا يحط عليك شي .. وكون دقيق ولاتعاند المسؤولين وانتظر المسا تحسن بالحالة الاجتماعية عندك ..
عاطفيا .. احساس بالتوتر وعم تبحث عن شخص يطلعك من حالتك ويكون بيستاهل حبك

العقرب
يوم حلو كتير سفر ممكن واتصالات وتعامل مع اجانب عم تفكر باشيا جديدة وبدك تعمل خطوات مهمة لاتوقف الظروف داعمة .. لكن انتبهلي اخر السهرة من بعض المشاكل او النقاشات او الانفعال عندك ..
عاطفيا .. بتسمع اخبار حلوة والشريك بساعدك لتحلو مشكلة وتحسين العلاقة ..

القوس
عم تحس بالراحة وانو الضغط يلي كان عليك الفترة الماضية عم يخف نسبيا انتبه من امور مالية خاصة بما يخص الشراكة لان ممكن تحصل على مال .. وكمان فيك تعالج حالك من مرض او حتى تحل قصة قانونية والمسا بتتلقى اتصالات بعيدة وبيتحسن وضعك ..
عاطفيا .. حاول ترجع علاقتك بالشريك ولاتسمح للمشاكل يلي صارت تنهي حبك ..

الجدي
يوم مو منيح عم تحس طاقتك منخفضة ومو مرتاح توتر كبير وعدم القدرة على الهدوء هالشي عم يخليك تنفعل بوش يلي معك .. بدي منك تحاول لو فيك تدخل شراكة ناجحة بشي شركة او مشروع بدون ماتخرب وضعك والمسا انت افضل وعم تناقش امور مالية ..
عاطفيا .. عم تفكر بالارتباط بس بنفس الوقت مو مبسوط من الشريك وحاسس في مشاكل عم تصير ممكن تخرب كل شي

الدلو
عم تحس حالك تعبان ومرهق وكتير عندك ضغط وماعم تلحق شي ان كان دراسة او شغل .. بدك تنتبهلي لصحتك وتشتغل الضروري حتى مايتراكم عليك ولاتنفعل والمسا في امور بتخص الشراكة بتوترك ..
عاطفيا .. حالة من التعب عم تصيبك وعم تفقد ثقتك بكتير ناس حوليك ..

الحوت
يوم مميز كتير حاول تستغل كل دقيقة فيه لتدفع بمصالحك الواقفة لان عانيت كتير الفترة الماضية .. فهاليوم مدعوم بالحظ وفرصة لتتقدم وتغير وضعك للافضل اما المسا انتبه لصحتك ولتراكم الشغل عليك ولاتقصر ورتب امورك ..
عاطفيا .. في فرصة حلوة رومنسية اليوم اذا مشتاق تحاكي حدا فاليوم مناسب ..