يسعد اوقاتكم بكل خير أبراج يوم الثلاثاء

يسعد اوقاتكم بكل خير
أبراج يوم الثلاثاء
26ديسمبر 2017
القمر ينتقل لبرج الحمل ♈

الحمل
وضعك افضل بعد فترة كتير صعبة مرت عليك يوم لتعيد ثقة الناس فيك لتعزز مكانتك الاجتماعية لترجع انت الاساس وتسيطر على الوضع وتستغل الطاقة لتغير وتحل مشاكلك ..
عاطفيا .. اليوم بدي ياك تكون حاسم وتتخذ قرار مشان علاقتك ومالازم تكون ضعيف ..

الثور
من أصعب الأيام ضايج كتير وعم تشعر بأنو كل شي ضدك ومافي شي متل مابدك تعبان وحاسس بالضعف جواتك هي فترة مؤقتة فلا تستسلم للظروف شو ماكانت ..
عاطفيا .. كون عقلاني ولاتسمح لعواطفك تتعبك اكتر وتعامل مع اي موضوع ببساطة حتى ماتحس بوجع ..

الجوزاء
يوم بتحس فيه بدعم كبير من الأصدقاء وبتتعرف على ناس جديدة بتكون محل اهتمام كتار وبتقدر تدفع بمصالحك ..
عاطفيا .. استغل هاليوم وحاول تكون مع الشريك حتى تقوي العلاقة فيه وانتبه كتير من اي مشكلة او تصرف غلط هالفترة ..

السرطان
عم تكون معرض لكتير من الضغوط بالشغل ممكن حدا يشكك فيك ويحاول يوقعك انتبه وخليك حذر من الناس يلي بوجهين وممكن يكون في تغيير او عمل جديد عندك ..
عاطفيا .. عزز علاقتك وحاول تخفف التوتر يلي عم تمر فيه وخليك متفهم للشريك ..

الأسد
من الأيام المهمة يلي بتحملك سفر واتصالات من ناس أول مرة بتتعامل معن ممكن تحس حالك بدك تتعلم او تبدا بشغل جديد والحظ منيح ..
عاطفيا .. يوم فيه مصالحات مع الشريك بعد فترة متعبة وعودة الأمور افضل ..

العذراء
بعد التوتر الكبير يلي مريت فيه وحالة عدم الاستقرار عم تفكر بهاليوم بأمور مالية او تحل قضية قانونية او حتى عم تشفى من مرض وتحس حالك افضل ..
عاطفيا .. انتبه اذا بدك تعطي الشريك فرصة طبعا اذا بيستاهل بيستاهل ..

الميزان
ابدا مو مرتاح بالرغم من انك عم تفوت شراكة جديدة او عم تفكر بخطبة او زواج بس توتر كبير وعم تعصب من اقل الاشيا فانتبه وحاول تهدى ..
عاطفيا .. حاول تعزز شراكتك واهدى ولاتخلي كلام الشريك يستفزك حتى ماتخسر كل شي ..

العقرب
عم تشعر بالارهاق والتعب الصحي وتراكم الشغل او الدراسة عليك هي الحالة عم تخليك ابدا مو مرتاح وبحاجة للسرعة والتنظيم لتنجز الضروري حاليا وكمان اكيد بحاجة راحة ..
عاطفيا .. لاتعطي ثقتك بالحب لحدا لان كل الناس بلحظة ممكن تبعد فخليك جاهز لكل الاحتمالات

القوس
اخيرا عم تشعر بالراحة وعم ترجع الحظوظ توقف معك عندك يوم مميز وقادر تحصلك على دعم كتير كبير بشغلك او حتى تحصل على مبلغ من المال مو متوقع ..
عاطفيا .. اجواء رومنسية مميزة ناطرتك واذا كنت اعذب فرصة لحب جديد ..

الجدي
في شي بالبيت ماعم يريحك مشغول بالك على صحتك او صحة حدا من اهلك وعم تحاول تتمالك اعصابك لأنك كتير مدايق بس مابدك تحسس حدا بهالشي ..
عاطفيا .. حاول تكون قوي وفكر بايجابية ولاتخلي شي يضعفك او يكسرك فترة وبتمر .

الدلو
يوم للتفاعل للحركة لتطورات مهمة على صعيد شغلك ممكن تسافر وتتلقى اتصالات مهمة ممكن تحصل على الدعم لتغير بحياتك للأفضل ضمن الظروف الصعبة يلي عم تعاني منها..
عاطفيا .. من الأوقات المريحة عندك وفرص رومنسية مهمة عم تكون بلقاءات وأوقات مميزة ..

الحوت
عم تناقش أمور الشغل وتعيد ترتيب حساباتك المالية يمكن عم تحس بأنك صرفت زيادة الفترة الماضية ولازم تعوض او تحصل على مقابل تعبك ..
عاطفيا .. لاتسمح للماضي يوقف بدربك وافتح صفحة جديدة لقلبك ..

🍃🌹