يسعد اوقاتكم بكل خير أبراج يوم الأحد

يسعد اوقاتكم بكل خير
أبراج يوم الأحد

2017-12-17

القمر في برج القوس ♐

الحمل
عم تفكر بالسفر او عم تتعامل مع ناس جديدة عم تبدا شغل او علم جديد كلها احداث ايجابية بيوم منيح نسبيا حاول تستغل كل الوقت لتحسن وضعك بهاليوم ..
عاطفيا .. انت مشرق وحليان وهالشي عم يعطيك اخبار حلوة رومنسيا ولقاء مع الشريك يمكن ..

الثور
عم تناقش أمور مالية بتخص موضوع شراكة لكن انتبه من مصروفك الزايد وحاول تحل القصص يلي كانت عالقة خاصة اذا قانونية وعندك تحسن بوضعك وهدوء نسبي ..
عاطفيا .. ساحر عم تكون بهالفترات حاول ماتستفز الشريك ورح ترجع الأمور معو افضل اما الأعذب فرصة لتبدأ رحلة حب جديد ..

الجوزاء
رغم كل شي عم تعاني منو إلا أنك قادر تعمل عقد شراكة مع حدا بس خليك منتبه ودقيق لكل شي يمكن مو مرتاح وهالشي رح ينتهي قريبا فلا تحملها زيادة ..
عاطفيا .. بتشعر أنك بحاجة لشخص غير كل يلي قابلتن بحاجة لحدا مميز يقدر يقنعك بحبو الك ..

السرطان
بتشعر بتراكم الأعمال عليك وهالشي مابخوف لأنك قادر تخلص كل شي وبدي منك تحافظ على صحتك خاصة من الناحية النفسية وتبتعد عن المشاحنات مع الناس يلي ماعم تقدر تعبك ..
عاطفيا .. متردد بعلاقتك وعم تحس انو مابدك تغلط او مابدك تكفي والأمور عم تحيرك ..

الأسد
يوم مميز بيحملك اوقات حلوة وبتشعر انو نفسيتك صارت افضل تفاعل مع محيطك بايجابية ولاتخاف الحظ معك وبحالفك لتحصل عالشي يلي بدك ياه ..
عاطفيا .. من افضل الايام للعاطفة والحب فبادر وخلي ثقتك بحالك كبيرة ..

العذراء
بتعيش حالة من القلق على بيتك وأهلك وبتحس انو عليك مسؤوليات كبيرة ولازم تحل القصص العالقة هالشي بيتعبك وبخلصك بوضع صعب بس انت قدها ورح تنحل ..
عاطفيا .. عم تحلى وتزيد جاذبيتك وهالشي بيعطيك فرص حلوة لحب جديد ..

الميزان
اوضاعك عم تتغير وانت اليوم بمكان جيد لتقنع الناس بوجهة نظرك ممكن تسافر بهاليوم وتتلقى اتصالات من ناس كتير وقادر تصل وتعزز ثقة الكل فيك وممكن يشغلك موضوع بخص احد الاخوة ..
عاطفيا .. خلي حبك بعيد عن الناس اذا بدك يستمر ولا تتسرع ..

العقرب
انتبه من خسارة مالية او مصاريف بلا طعمة انت بحاجة لضبط مصروفك واحتمال تحصل على مبلغ مالي لكن لازم تعرف كيف تتصرف ..
عاطفيا .. الاصدقاء عم يدعموك وبزيد قدرتك على جذب صديق وتحويل هي الصداقة لحب ..

القوس
عم ترتاح وعم تحصل على دعم من الناس يلي حوليك وعم ترجع الثقة من جديد حاول تفتح باب جديد وانسى الماضي وفكر بخطوات مناسبة لوضعك ..
عاطفيا .. يوم بيحملك عاطفة وحب جديد اذا كنت عم تفكر بهالشي ..

الجدي
ماعم تعرف ليش حاسس حالك مو مرتاح وكأنو كل شي ماشي بالعكس وبدل ماتتقدم عم تتراجع لاتخاف هي حالة آنية ورح تنتهي بدي منك تصبر وتراعي صحتك هاليوم ..
عاطفيا .. لاتزعل على حدا المهم انت خليك بعيد عن الانفعال والعصبية ولاتحكم عالشريك ..

الدلو
انت بحاجة كتير اشياء وممكن اليوم تتخلى عن عاداتك وتطلب مساعدة لتصل للي بدك ياه لاتبقى لحالك ورح تحصل على الدعم المطلوب من وجودك مع رفقاتك ..
عاطفيا .. انت أكبر من انو تتنازل وهاد الصح برأيي حاول تنهي كل شي بمجرد انتهى الاهتمام ..

الحوت
انت بوضع اريح نسبيا ويمكن عم تفكر بشغل جديد او تغير شي بحياتك هي الفترة بعد التعب يوم ايجابي بيحتاج منك السرعة والتعامل السليم مع كل شي وخصوصا الاعداء ..
عاطفيا .. بتشعر انو في فرصة من لقاءات عفوية ليصير حب وتكبر علاقة مستقبلا خليك جاهز.

أخبار ذات صلة

زر الذهاب إلى الأعلى
آخر الأخبار