يسعد اوقاتكم بكل خير أبراج يوم الخميس

يسعد اوقاتكم بكل خير
أبراج يوم الخميس

2017-12-14

القمر في برج العقرب ♏

الحمل
انت أريح وعندك فرص مالية من شراكات وقدرة على كسب المال وامورك رح تكون افضل وتحل مشاكل قضائية وتشفى من مرض فترة اريح بانتظارك خليك متفائل ..
عاطفيا .. لاتسمح لظروفك تمنعك عن الشريك وحاول تضل قريب منو حتى يحس باهتمامك ..

الثور
لازم تكون متعاون قدر الامكان لان التوتر كبير اليوم وحاسس بضغط مو طبيعي وانو طاقتك منخفضة فانتبه وحاول تساير شوي حتى ماتخسر ..
عاطفيا .. في تفكير بالارتباط عندك بس الاجواء متوترة هدي حالك قدر الامكان ..

الجوزاء
بتفوت بشغل جديد يمكن او بتغير مكان عملك وهالشي بحط عليك اعباء اضافية وتعب صحي ممكن خليك منتبه لهالشي وراحة وضعك قدر الامكان ورتب امورك .
عاطفيا .. لا تسعى ورا ماضي اذا كان مستحيل فكر بحالك وبمستقبلك اكتر ..

السرطان
بتحس بطاقة كبيرة وبيرجع الحظ بيوقف حدك وبساعدك لتتخلص من مشاكل عائلية وتحس براحة واجواء حلوة بانتظارك وممكن الاناث تفوت بفترة حمل وانجاب واخبار حلوة عن الابناء ..
عاطفيا .. يوم مميز عاطفيا رومنسية وقدرة على جذب الجنس الآخر واوقات ممتعة ..

الأسد
عم تحس في مشكلة بتخص البيت او عيلتك ومو مرتاح للجو العام حاول تهدى وماتكون استفزازي وعنيد بتعاملك معن حتى ماتكبرها ..
عاطفيا .. استغل سحرك لتصل بدون من تنفعل بوجه الشريك وتوجهلو انتقادات ..

العذراء
يوم مهم الك بيمنحك قدرة على ايصال رايك ممكن تسافر بس انتبه من قصة بتخص اخواتك او الجيران وكمان اذا عم تسوق سيارة انتبه من الحوادث ..
عاطفيا .. يوم مميز بيحملك تواصلةحلو مع الشريك وقادر تسحروا بطلتك ..

الميزان
تعامل مع الظروف المحيطة بانك تستغل الفرص وتضب ايدك شوي لان مصروفك زايد بس في فرص كبيرة لمكاسب مادية حاول تستغل هالشي ..
عاطفيا .. انت بحاجة لشرارة تواصل واستمرارية بعلاقاتك وهالشي ماعم يصير ..

العقرب
انت اليوم اكبر المستفيدين عم يدعمك وجود القمر مع الحظ حتى لو ما استفدت بسرعة من التغييرات الحاصلة بس رح تحس بتحسن تدريجي وحلول بالأفق خليك واثق من حالك وكل شي تعب مر رح يزول تدريجيا وتنتصر على اعدائك ..
عاطفيا .. ماتكون عصبي واهدى وخليك قوي وكل شي رح يكون منيح بس بدو وقت وشوية تنازل ..

القوس
عم تشعر بكتير تعب وعدم راحة وهيك بلشت تسكر بوجهك الدنيا لاتخاف وخليك صبور القصة بدها وقت بس كون منتبه والدنيا دولاب يوم عليك ويوم الك وانتبه لصحتك ..
عاطفيا .. خليك بعيد عن العلاقات المعروفة نهايتها حتى ماتفوت بمشاكل وتتعب قلبك ..

الجدي
عم تحصل على دعم الاصدقاء وتفوت بفترة خلي كل اعتمادك فيها على رفقاتك ورح تلاقي تلبية لالك فلاتخاف وانتظر مساعدة صديق لتحل مشكلة بشغلك ..
عاطفيا .. حاول تفتح قلبك ورح تلاقي شي من الحب يلي عم تنتظرو ..

الدلو
عم يتعرض شغلك لتوتر كبير ومشاكل متوقعة فلا تكون متسرع واستفزازي وخليك متعاون لتمر هي الفترة على خير وماتطلع بخسائر والدقة والتنظيم والانتباه مطلوبين منك .
عاطفيا .. لاتصعد الخلافات مع الشريك لان حياتك العاطفية مهددة اذا ماحافظت عليها وضبطت اعصابك ..

الحوت
بتشعر بطاقة كبيرة وتفكير بالسفر عم يشغل بالك يمكن بدك تبدا شي جديد وغير بحياتك وبحاجة لدعم والفرصة ملائمة لهالشي اذا بدك وعندك تعامل مع ناس جدد بحياتك ..
عاطفيا .. عم تكون الخيارات كتيرة وانت مابدك تفوت بقصة ارتباط ومابدك توقف حريتك ..