يسعد اوقاتكم بكل خير أبراج السبت

القمر ببرج الدلو ♒

الحمل
يوم اجتماعي عم يكون حافل بالجمعات واللقاءات مع رفقاتك فيك تستفيد من صديق اذا كنت بحاجة مساعدة لاتتردد وامورك افضل رح تكون ..
عاطفيا .. انت محبوب بس يمكن بعد ماوصلت للرضى والأصدقاء رغم كترتن ماعم ينسوك حدا بالقلب ..

الثور
بدي منك انتباه وانت اليوم قدام اختبار ولازم تكون جاهز العيون عليك وفي ناس بدها توقعك او عم تشكك بقدراتك فخليك جاهز لتغير امورك للأفضل ..
عاطفيا .. انت ضايع وبدك استقرار وهالشي عم يتأجل كل مرة او ماعم يعجبك تصرف الشريك ..

الجوزاء
انت افضل ونشيط بتستعيد حيويتك بتفكر تسافر او تعمل شي جديد بحياتك بتحس انو في مشاكل بلشت تنحل وانك عم تلاقي الحظ اللازم لتصل للي بدك ياه بهاليوم ..
عاطفيا .. من الأيام المميزة يلي بتساعدك لتملك قلب الشريك ..

السرطان
يوم مريح نسبيا كانت ايام من الضغط والتعب لكن اليوم عم تحصل على يوم جيد عم تطلع من الأجواء المشحونة تحل بعض المشاكل او قضية قانونية وتشفى من مرض وكمان عندك امور مالية عم تناقشها .
عاطفيا .. لاتترك أمورك معلقة وحاول تفكر بحل واطمن كل شي رح يكون منيح ..

الأسد
بعدك مو رايق وفي شي عم يعملك ضغوط كبيرة مع هيك ممكن اليوم تمضي عقد مع حدا وتحصل على شغل بشركة بس انتبه من المواجهات لان انفعالك زايد ..
عاطفيا .. بيحملك اليوم فرصة لارتباط لكن بعض العلاقات بتكون مهددة بنهايتها بسبب الانفعال الزايد

العذراء
عم تدخل يوم متعب نسبيا جسديا ونفسيا عم تشعر انو في شغل كتير وتراكم فلازم ماتتأخر بالشغل الضروري وتنتبه كمان لصحتك قدر الامكان ..
عاطفيا .. لما تفوت علاقات كتير ومايزبط معك شي مو يعني مالك حظ لا بس يمكن فرصتك ما اجت بعد ..

الميزان
تعبت كتير اخر فترة وحسيت الدنيا مو واسعتك وكنير ضاقت عليك بس هاليوم افضل عم يساعدك الحظ فيه ويعطيك شوية راحة واخبار حلوة ..
عاطفيا .. عندك فرصة لاوقات رومنسية استغلها بهاليوم لتكون منيح

العقرب
اليوم ممكن يحملك تغيير ببيتك او قصة بتخص العيلة والاهل عندك حاول تكون حكيم وما تتسرع وحل الأمور بهدوء وانتبه من عصبيتك ..
عاطفيا .. ابتعاد الشريك والاهمال عم يحسسك بالوحدة احيانا ..

القوس
من الأيام الايجابية والداعمة ويوم انت قادر فيه توصل رأيك يعني بتقدر تقنع اذا عندك شي بدك تخبرو وكمان فرصة للسفر وتغير جو مع الاصحاب ..
عاطفيا .. مشوار رومنسي ناطرك حاول تكون مع الشريك وتقضو وقت حلو مع بعض ..

الجدي
عم تعيد حساباتك واليوم عم تحس انو ماضل معك مصاري صرفت كتير وصار بدها حل يمكن في مصاري تجيك من شغلك ويمكن تسد المصاريف ويمكن لا ..
عاطفيا .. أفكار متعبة عم تعيشها حاول ماتسمح للمشاكل الصغيرة تأثر عليك ..

الدلو
عم تكون بوضع افضل وتحسن كبير عندك لكن لازم تغير تفكيرك وتفكر بالمستقبل وبتفائل ولاتلتفت للماضي واشتغل لتحل مشاكلك وترجع ثقة الناس فيك ..
عاطفيا .. انت امام صفحة جديدة بحياتك العاطفية او تجديد لحبك لتكون افضل بكتير ..

الحوت
ببلش نهارك باحساس ماعم تعرف سببو او انو مو مرتاح ضايج وبدك تعمل شي بس ماعم يزبط وامورك واقفة وحتى صحتك يمكن مو منيحة حالة طبيعية اصبر ولا تعمل شي مهم ..
عاطفيا .. انت بحاجة لمشاعر صادقة وشخص وفي بس مو اكتر وماعم تلاقي هالشي ..

❥┇🌸🍃

مقالات ذات صلة

زر الذهاب إلى الأعلى