يسعد اوقاتكم بكل الخير الابراج اليومية الأحد21يناير2018

يسعد اوقاتكم بكل الخير

الابراج اليومية

الأحد21يناير2018

الحمل
بعرف انك مو مرتاح ابدا وكل شي عم يكون معاكس الك وحالة نفسية سيئة عم تسيطر عليك بتخليك تفكر تنهي كل شي .. بدي منك تصبر هاليوم بس وتكون بعيد عن كل شي ممكن يوترك ويتعبك ورح يمر بس بدا رواق وعدم انفعال ..
عاطفيا .. لاتسمح للضغوط تضعفك ولاتخلي الشريك يكوم سبب بزيادة زعلك مافي شي بيستاهل ..

الثور
بالرغم من تواجد الاصدقاء معك ودعمن الا بس انت مو رايق وعم تحس انو مافي شي متل مابدك بهاليوم .. هالشي عم يخليك قلق ويمكن عم تبدا شغل جديد وهالشي عم يترك عليك مسؤوليات مضاعفة بدي منك تصبر وتفكر بحلول ..
عاطفيا .. ماعم يقدر الشريك ظروفك وهالشي عم يزيد التعب عليك ..

الجوزاء
توتر كبير وبدك تعمل شي بس ماعم تعرف الطريقة ومشتت حاول تكون منتبه وخاصة بتعاملك مع المسؤولين .. عندك اليوم فرصة لتلاقي شغل وتفكر تعمل شي غير بحياتك وحتى الوضع العام عم يكون رغم التوتر في تحسن ..
عاطفيا .. ماتزعل على غياب الحبيب عنك وبرأيي قلة الاهتمام والاهمال بالحب مابناسبوك ..

السرطان
عم تفكر بسفر او تعمل قصة جديدة متل رياضة او دراسة بهالوقت وعم تتعامل مع ناس غريبة عنك وتتواصل معن .. وهالشي بقدملك فائدة حاول تكون متفائل ويوم ايجابي الك وفي حلول بعد ايام متعبة مرت عليك ..
عاطفيا .. قدرتك على التواصل عم تعطيك جاذبية من الجنس الآخر فاستغل هالشي ..

الأسد
يوم عم تفكر فيه اكتر شي بالمال وخاصة اذا كنت عملت شراكة مع حدا وبدك تحصل على اجرك منها .. وكمان عم تزيد المصاريف عندك وحلول لمشاكل قضائية واستشفائية بهاليوم ورح تكون اريح بالمجمل ..
عاطفيا .. اتخذ قرارك بخصوص العلاقة ولاتضل معلق حالك لأن انت مو بحاجة تعب اكبر ..

العذراء
انت اليوم متل مرهق و اعصابك كتير تعبانة واي حركة عم تزعجك وتعصبك فلازم الكل يقدر هالشي وحتى صحتك بحاجة انتباه ..والمهم انت ابتعد عن استفزاز حدا وهدي حالك بهاليوم وفرصة لتتم شراكة اذا بدك ..
عاطفيا .. تفكير كبير بالارتباط بس ماعم تزبط معك وهالشي عملك حالة من اليأس وصار بدك حل ..

الميزان
من الايام المتعبة بتشعر بضغوط كبيرة بالشغل وتراكمات بتطلع فجأة وبتزيد عليك المسؤوليات.. حاول تكون جاهز وقدها وانتبهلي لراحتك وصحتك حتى ماتأثر عليك ولازم ترتب كل شي حتى ماتتأخر ..
عاطفيا .. يمكن عم تفكر تنهي علاقة ما وهالشي عم يأثر على نفسيتك حاول تدرس الامور منيح قبل ماتقرر ..

العقرب
يوم ايجابي الحظوظ داعمة الك رغم كل شي مر عليك بهالشهر وعندك الحظ والفرص .. حاول تستفيد من كل دقيقة بهاليوم وادفع بمصالحك واستغل اي مشروع لان يوم منيح ضمن وضعك هالشهر ..
عاطفيا .. حاول تعيش اوقات رومنسية بدون ماتفكر كتير بالماضي ..

القوس
عم تطلع عندك مشكلة بالبيت وعم تطر تتحمل المسؤولية فخليك هادي وحل الامور برواق .. بعرف انو ماعم ترتاح بس يوم وبمر فلا تخرب كل شي وحاول تساير ولاتضوج على حدا ..
عاطفيا .. انت معرض لحالات من الانفعال وهالشي بسبب مشاكل عاطفية والشريك ماعم يفهم ولا يقدر ..

الجدي
يوم بتطلع فيه من حالة الضغط يلي مريت فيها وبتحس انو رجعتلك طاقتك وبصير في حرية اكتر بالتعبير عندك .. بتفكر تسافر وتغير جو وبتتواصل مع محيطك بشكل افضل بكتير وبتكون مقنع ..
عاطفيا .. لاتسمع للاجواء المشحونة تخرب وضعك وخليك واثق بانك قادر تقنع الشريك بحبك اليوم ..

الدلو
عندك ضغوط كبيرة مالية وعم تفكر من وين بدك تعوض النقص وكيف تبدا وتحل القصة .. وانتبه كمان لمصروفك وممكن تحصل على مبلغ مالي بهاليوم فلا تقلق ..
عاطفيا .. مافي شي عم يكمل معك وحاسس حالك متل الضايع وصار الحب بدل مايكون راحة تعب الك ..

الحوت
عم تشعر بالراحة بعد ايام صعبة مرت عليك عم تطلع من هي الحالة وتكون أفضل بشكل كبير .. انت اليوم قادر تحط حد لكل شي ماضي وتفتح صفحة جديدة غير واقعك والحظ معك وطاقتك عالية فلا تخاف ..
عاطفيا .. استفيد من وجود القمر ببرجك لتحصل على شراكة جديدة او ترجع شراكة قديمة الك بهاليوم .