مازلنا تحت تأثير القمر في برج الحوت عم نعيش تأثيرات الابراج المائية وعم تكون تأثيرات اغلبها ايجابية على مواليد العشرية الثانية وثالثة وتقلبات بالوضع عند مواليد العشرية الاولى والحظ والطاقة عم يكون للابراج المائية بتغيير جديد والترابية بالاوراق والعقود والعقارات والاجواء والعزائم الهوائية تأثيرات مالية صحية والنارية عائلية ومسؤوليات ومال ..
🔥أبرز توقعات يوم الثلاثاء 24 أيار 🔥
🔥الحمل العشرية الاولى يبدو الوضع عندك افضل وتغيرات أيجابية وشخصية والثانية والثالثة الامور بدا صبر هاليوم وتركيز حتى ماتوقع بتأخير وتأجيل وشغل وضغط وامور صحية .. طاقتك بتتجدد 69%⬆️
🔥الثور العشرية الاولى مو مرتاح بحاجة لتعيد حساباتك من جديد على عدة اصعدة والتزامات كتيرة وماعم تلحق .. الثانية والثالثة الامور افضل والاجواء أيجابية وتنقلات وناس قديمة وعزائم واكل طيب ورقة مهمة .. طاقتك متقلبة 57%⬆️
🔥الجوزاء العشرية الاولى عم تبلش امورك تتحسن والاجواء ايجابية وعم تتلقى دعم ومساعدة وقصة مهمة وتحسن عاطفي .. الثانية والثالثة مازالت امور العمل والبيت متعبتك بحاجة لتروق هاليوم بس والوضع في تحسن بعد هاليوم ولا تهتم لحكي البعض .. طاقتك بتتحسن تدريجي بس اليوم 58%⬇️
🔥السرطان العشرية الاولى عندك شغل ومسؤوليات والتزامات وقصة اب او اخ وانتبه من زملاء العمل .. العشرية الثانية والثالثة الوضع افضل وتواصل واتصالات ولقاءات وتقدير الك وشهادة وامور بتخص دراسات عليا وقصة متعلقة بسيارة او موبايل للبعض .. طاقتك متقلبة 60%⬇️
🔥الأسد العشرية الامور بتبلش تتحسن ويومك رح يكون نشالله حلو بناس كتار وعلاقات وعم تجهز لشي مهم واوراق وتواصل واتصالات بعيدة وناس غريبة ودراسة وعقارات .. والعشرية الثانية والثالثة امورك مالية معاملات عقود شراكات مبلغ ميراث وحوالات وغيرا ..وطاقتك بترتفع تدريجي 69%⬆️
🔥العذراء العشرية الاولى يوم مالي بامتياز وقصص وقضايا متعلقة بالمال وديون ومبلغ ممكن تحصل عليه وضب ايدك كمان وامور بتخص جمعيات .. العشرية الثانية والثالثة يوم بتشغلك في شراكات عاطفية ومهنية وحتى عند البعض مالية وشراكات جديد وعم تنهي علاقات متعبة ايضاً وتواصل عاطفي .. وطاقتك ثابتة 59%⬇️
🔥الميزان العشرية الاولى اخبار عاطفية ومهنية وعم تستفاد من دعم شريك وعلاقات مشتركة ولازم تكون هادي بعلاقاتك العاطفية .. العشرية الثانية والثالثة يوم في مسؤوليات وشغل كتير والتزامات بالبيت وبرا ولازم تعمل شي جديد صحي وتغيير شكلي او هواية ونادي ولقاء مرتقب للبعض .. طاقتك قابلة لتغيير 55%⬇️
🔥العقرب العشرية الاولى مو مرتاح بسبب ضغوط وتراكم الاعمال الي عندك ويومك في اكتر من قصة بتشغلك ولازم ترتب امورك لتنجح وتحقق غاية عندك .. العشرية الثانية والثالثة الامور أفضل وعلاقات وتواصل وناس بترجع تحاكيك واجواء عاطفية وشي بخص الاطفال.. طاقتك متقلبة 52%⬆️
🔥القوس العشرية الاولى يومك في تحسن بالمال والعاطفة وعزائم وعم تعزز علاقاتك وعم تعرف شو الك وشو عليك وحسم بيومك .. الثانية والثالثة الامور بعدا مو ظابطة هاليوم بس روق بعلاقاتك مع الكل وبلاخص بالبيت ومع الاهل وعقار وملكيات ونقل وتصليح بتشغل البعض وتغيير مكان .. وطاقتك مستقرة 62%⬆️
🔥الجدي العشرية الاولى يومك بين الاهل وعلاقات مع المقربين ولازم لا تهتم لحكي لبعض يوم بخص العائلة والمنزل وعقارات والثانية والثالثة امورك افضل وعم يكون في تواصل واتصالات كتير وعم تعمل تصليحات وقصة موبايل او سيارة ودراسة وحوالة او مبلغ نشالله بس انتبه من الحوادث والاعطال .. طاقتك متقلبة 34%⬇️
🔥الدلو العشرية الاولى امورك افضل وتغيرات ايجابية بيومك اتصالات وتواصل وعلاقات كتيرة وعم تنشط على مواقع تواصل وتنقلات وسفر قصير وعم تنهي اوراق ومعاملات .. والثانية والثالثة يومك في قصص مالية بين قبض ودفع على التزامات وفواتير وعم تسدد ديون والتزامات وممكن مبلغ يجيك ..طاقتك 60%⬆️
🔥الحوت العشرية الاولى الامور مالية عم تكون عندك وفي مبلغ ومصاريف وفواتير عم تدفع ولا تكون كسول بيومك .. العشرية الثانية والثالثة امورك افضل وتغيرات ايجابية وعلاقات وشراكة او قصة شريك وعلاقات عاطفية بيومك بتزيد وبتسمع حكي حلو .. طاقتك 51%⬇️
