تعرف على حظك اليوم”الأبراج اليومية”
أبراج يوم الخميس14يونيو2018
القمر ببرج الجوزاء وبعد الظهر بكرا بينتقل للسرطان♋
الحمل
تطورات ايجابية لكن انتبه عائليا ..
نشيط كتير و عم تتحرك اليوم وتفرض كلمتك وتكون مقنع للكل عم تتواصل وتتلقى اتصالات كتير وتكون ناجح بعملك .. وممكن تحصل على سفرة قصيرة وتتقدم بعملك بس هالشي بحدود لان وضعك مو كتير تمام وانتبه من حوادث السير وبعد الضهر بتناقش قصة بتخص العيلة عندك فحاول تروق ..
عاطفيا .. اليوم بيحملك لقاء رومنسي او مشوار مع الشريك حاول تفضي مخك وتقضي اوقات حلوة ..
■النسبة المئوية :
●مهنيا : %71
●ماليا : %66
●عاطفيا : %69
●صحيا : %74
الثور
سفر وحركة ونجاح بيوم مميز ..
عم تفكر بامورك المالية يمكن عم تحس انو انت بحاجة وهاليوم ممكن تحصل فيه على المال بس انتبه من مصاريف زايدة .. وحاول تحرك شغلك وتحسن وضعك بالعمل وبعد الضهر بتزيد اتصالاتك مع المحيط يلي معك وفي امكانية لسفر ..
عاطفيا .. حافظ على استقرار علاقتك ولاتكون متسرع باتخاذ قراراتك ويوم حلو بس خليك رايق
■النسبة المئوية :
●مهنيا : %75
●ماليا : %72
●عاطفيا : %70
●صحيا : %78
الجوزاء
يوم ايجابي ومال قادم ..
انت منيح و عم تدعمك طاقة القمر وعم تفكر تغير وضعك وتخلص من القصص القديمة وتبدا من جديد .. انت افضل بكتير فكر بخطوات ايجابية لتطلع من حالتك وبعد الضهر بتفكر بقصص مالية عندك وبتفكر بشغل جديد عندك ..
عاطفيا .. عم يكون خبر حلو وحكي رومنسي بانتظارك بس انت افتح قلبك وجاذبيتك قصوى عم تكون ..
■النسبة المئوية :
●مهنيا : %88
●ماليا : %85
●عاطفيا : %81
●صحيا : %78
السرطان
انفراج وتحسن تدريجي ..
حالة من الركود عم تمر فيها اعمالك بتحس كل شي ثابت وانت مو مرتاح وفي ناس عم تحاول تستفزك .. بدي ياك تهدى حتى يمر الصبح على خير وبعد الضهر بتسمع اخبار حلوة وبتتحسن أمورك نسبيا وبترجع طاقتك ..
عاطفيا .. افكار عم تاخدك وتجيبك وماعم تعرف شو بدك او مع مين تستقر بس في اخبار حلوة مع استمرار اليوم ..
■النسبة المئوية :
●مهنيا : %90
●ماليا : %86
●عاطفيا : %88
●صحيا : %82
الأسد
أجواء اجتماعية وانتبه من قصة المسا ..
عم يدعمك صديق ويساعدك بقصة كانت تاعبتك حاول لاتضل لحالك وتفاعل مع رفقاتك .. وانتبه من مشكلة ممكن تكبر وخاصة بعد الضهر وحاول تضل بعيد عن الانتقاد اذا قدرت ..
عاطفيا .. عروض لحب جديد وماعم تعرف تختار بين قديم وجديد ..
■النسبة المئوية :
●مهنيا : %61
●ماليا : %66
●عاطفيا : %68
●صحيا : %60
العذراء
يوم مهم ولقاءات حلوة بعد الضهر ..
يوم مهم بيحملك ترقية بالشغل او شغل جديد كون منتبه من يلي معك ولاتعطي فرصة لحدا يحط عليك شي .. وكون دقيق ولاتعاند المسؤولين وانتظر بعد الضهر تحسن بالحالة الاجتماعية عندك ولقاءات بالأصحاب ..
عاطفيا .. احساس بالتوتر وعم تبحث عن شخص يطلعك من حالتك ويكون بيستاهل حبك
■النسبة المئوية :
●مهنيا : %68
●ماليا : %66
●عاطفيا : %70
●صحيا : %63
الميزان
يوم حلو وفي اختبار الك ..
يوم حلو كتير سفر ممكن واتصالات وتعامل مع اجانب عم تفكر باشيا جديدة وبدك تعمل خطوات مهمة لاتوقف الظروف داعمة .. لكن انتبهلي بعد الضهر من بعض المشاكل او النقاشات او الانفعال عندك ..
عاطفيا .. بتسمع اخبار حلوة والشريك بساعدك لتحلو مشكلة وتحسين العلاقة ..
■النسبة المئوية :
●مهنيا : %78
●ماليا : %76
●عاطفيا : %71
●صحيا : %80
العقرب
امور مالية وتحسن وسفر ..
عم تحس بالراحة وانو الضغط يلي كان عليك الفترة الماضية عم يخف نسبيا انتبه من امور مالية خاصة بما يخص الشراكة لان ممكن تحصل على مال .. وكمان فيك تعالج حالك من مرض او حتى تحل قصة قانونية وبعد الضهر بتتلقى اتصالات بعيدة وبيتحسن وضعك ..
عاطفيا .. حاول ترجع علاقتك بالشريك ولاتسمح للمشاكل يلي صارت تنهي حبك ..
■النسبة المئوية :
●مهنيا : %80
●ماليا : %72
●عاطفيا : %76
●صحيا : %70
القوس
شراكات ومال وحلول ..
يوم ببلش مو منيح عم تحس طاقتك منخفضة ومو مرتاح توتر كبير وعدم القدرة على الهدوء هالشي عم يخليك تنفعل بوش يلي معك .. بدي منك تحاول لو فيك تدخل شراكة ناجحة بشي شركة او مشروع بدون ماتخرب وضعك وبعد الضهر انت افضل وعم تناقش امور مالية وفي حلول عندك..
عاطفيا .. عم تفكر بالارتباط بس بنفس الوقت مو مبسوط من الشريك وحاسس في مشاكل عم تصير ممكن تخرب كل شي لكن المسا افضل ..
■النسبة المئوية :
●مهنيا : %66
●ماليا : %64
●عاطفيا : %69
●صحيا : %61
الجدي
تعب وشراكات وشغل عندك ..
عم تحس حالك تعبان ومرهق وكتير عندك ضغط وماعم تلحق شي ان كان دراسة او شغل .. بدك تنتبهلي لصحتك وتشتغل الضروري حتى مايتراكم عليك ولاتنفعل وبعد الضهر في امور بتخص الشراكة بتوترك حاول تهدي الاوضاع ..
عاطفيا .. حالة من التعب عم تصيبك وعم تفقد ثقتك بكتير ناس حوليك ..
■النسبة المئوية :
●مهنيا : %57
●ماليا : %62
●عاطفيا : %65
●صحيا : %59
الدلو
يوم ببلش منيح بس انتبه من تراكم الشغل عليك ..
يوم مميز كتير حاول تستغل كل دقيقة فيه لتدفع بمصالحك الواقفة لان عانيت كتير الفترة الماضية .. فهاليوم مدعوم بالحظ وفرصة لتتقدم وتغير وضعك للافضل اما بعد الضهر انتبه لصحتك ولتراكم الشغل عليك ولاتقصر ورتب امورك ..
عاطفيا .. في فرصة حلوة رومنسية اليوم اذا مشتاق تحاكي حدا فاليوم مناسب ..
■النسبة المئوية :
●مهنيا : %76
●ماليا : %73
●عاطفيا : %71
●صحيا : %70
الحوت
يوم مميز وخاصة بعد الضهر ..
عم تشعر بحجم مسؤولية كبير عليك وخاصة لان الموضوع اليوم بخص اهلك او بيتك بدك تكون متفهم وحكيم وتحل الامور بهدوء حتى ماتكبر عندك وممكن تغير مكان سكنك وبعد الضهر أفضل وفي حلول عندك وتحسن كبير وفرص وحظ..
عاطفيا .. يمكن الحب عندك ماعم يكتمل وهالشي عم يعملك خيبة امل كبيرة حاول تعيش حبك بعيد عن الناس لان ممكن يكونو العامل الاكبر لهالشي والمسا افضل بكتير ..
■النسبة المئوية :
●مهنيا : %80
●ماليا : %77
●عاطفيا : %82
●صحيا : %74
