أشعارالثقافية

انه تحجب جنت……حته من المريات.   الضوه ماشاف…طولي وماللمح شعره. 

  
بقلم : الشاعر سيف علي..
افلوسك هاك اخذهن..واخذ مني خلاق. 
ومن حيدر اتعلم…………وانطي للفقره. 
 
شريفه من امشي……ماترك اثر عل كاع. 
على شاب من اباوع…….تنحسب كفره. 
 
المحبس مالبسه…..بصعي احس رجال. 
البسه جفوف……..احسن خاطر تستره. 
 
من هيبت عباتي………..تفصلت شيلات. 
رفعت راس الستر……بس عايشه بحفره.  
 
ألبس صوتي بركع……..من يفوت خيال. 
مني محجبه من……………تطلع النبره. 
 
الضحك يوجعني چاحچي الغريب شلون. 
وانه بثوبي أبد………………مافاتت البره. 
 
ماشايف العيد……………ابليه ام شلون.  
مثل ميت واجوله………اطفاله يم كبره. 
 
على العش من اباوع…احسد العصفور. 
لان مرتاح باله………وغافي عله شجره. 
 
بعدني ازغيره اكسر……خاطر الشيطان. 
واذا اشحت بليل………….ادمع الكمره.  
 
المثلي بجفه حلقه…….وجفي كله رباع. 
وزوجه بكلبه وكلبي……………..بي عبره. 
 
رقيقه مثل ورده……انجرح من الشوف. 
على هاي المواقف……..ماخذت شمره. 
 
ترى البايع شرف…..شارك بكتل حسين. 
يظل موزين لو………..يتوضه بالحضره. 
 
اكل جدمي الرصيف….وماكليت رغيف. 
وشفت الوطن من…………الناس يتبره.  
انه بستري جانت……….تحلف النسوان.
بقلم : الشاعر سيف علي

أخبار ذات صلة

زر الذهاب إلى الأعلى
آخر الأخبار