القمر عم ينتقل بكرا لبرج الثور ♉
#الحمل ♈
انتبه ماليا وعيد حساباتك وخليك دقيق ..
لازم بهيك يوم تنتبه بتعاملاتك المالية وبدك حل وعندك يوم للتعاملات المالية ممكن يكون فيه كسب مال او حتى دفع واعادة حسابات وكمان مصروفك فيه عم يزيد ويمكن عم تفكر تبدا مشروع او تغير شغلك ..
❤️عاطفيا .. وضعك العاطفي بحاجة لدراسة اكتر وفي عندك شخص عم يعذبك بالعلاقة ..
■النسبة المئوية :
●مهنيا : %67 ●ماليا : %78 ●عاطفيا : %76 ●صحيا : %73
#الثور ♉
يومك في انفراج وشراكة شغل او عاطفة ..
بتقدر تقلب كل شي لصالحك وتتم شراكة واخبار مهمة بتريحك تدريجيا وبتفرج اخيرا وعم يكون يوم داعم الك بتنقلب فيه الأمور لصالحك وبتحس بانك عم ترتاح وبتبدا مشروع جديد وتغير كل شي ..
❤️عاطفيا .. اخبار حلوة بتسمعها وبترجع الاوضاع مع الشريك افضل او بتبدا بحب جديد ..
■النسبة المئوية :
●مهنيا : %91 ●ماليا : %88 ●عاطفيا : %81 ●صحيا : %83
#الجوزاء ♊
امور صحية وتأجيل بخلوك مو مرتاح ..
انتبه لوضعك الصحي ولاتهمل شغلك حتى ماتنلام ومن الايام يلي بتزعجك وبتحس حالك فيه مو راضي عن شي والوضع عم يتكركب لكن اطمن فترة مؤقتة ولاتحاول تحسم الامور وانتبه كمان لوضع البيت ..
❤️عاطفيا .. وضعك العاطفي متقلب وعم يتأثر بمزاجيتك هالفترة فانتبه لعلاقتك ..
■النسبة المئوية :
●مهنيا : %61 ●ماليا : %67 ●عاطفيا : %66 ●صحيا : %63
#السرطان ♋
بتلاقي حالك بزيارة ولقاءات مع اشخاص بتحبن ..
كتير من الناس معك بهاليوم وعم تعمل زيارات وعزايم وانت أفضل ويومك مميز بأصدقاء وحافل بالأجواء الاجتماعية يلي بتجتمع فيها مع ناس غالية عندك وبكون في تحسن بوضعك العام وعلاقاتك ..
❤️عاطفيا .. استغل سحرك بهاليوم لتحسن وضعك ويكون في لقاءات حلوة وعاطفتك بتزيد ..
■النسبة المئوية :
●مهنيا : %73 ●ماليا : %70 ●عاطفيا : %75 ●صحيا : %72
#الأسد ♌
تغيير بالشغل وقصة مهمة بالبيت ..
عندك استحقاقات مهمة بلقاءات وبالبيت كمان وشغل عندك بهاليوم وأمور بتخص امتحان مشان هيك لازم تكون جاهز حتى تستقبل هاليوم وتحاول قدر الامكان انك ماتغلط ولا تخالف القوانين ويمكن عقد شغل ..
❤️عاطفيا .. وضعك العاطفي منيح حاول تبحث عن استقرارك قدر الامكان وبعد عن العصبية ..
■النسبة المئوية :
●مهنيا : %67 ●ماليا : %66 ●عاطفيا : %72 ●صحيا : %64
#العذراء ♍
علاقات جديد سفر وتحسن كبير ..
من الأيام يلي بتناسبك بسفر وبتشوف أشخاص جدد وتحسن تصاعدي فيه ومن الأيام الحلوة عندك بالشهر حاول تستغلوا لترجع مكانتك واستفيد من قدرتك على الاقناع كمان بتنجح وبتتلقى اتصالات بعيدة ..
❤️عاطفيا .. وضعك العاطفي عم يتحسن وتكون قادر تجذب الناس الك وحتى عم تعرف ناس جديدة ..
■النسبة المئوية :
●مهنيا : %86 ●ماليا : %80 ●عاطفيا : %83 ●صحيا : %78
#الميزان ♎
بلشت ترتاح وعندك مال ناطرك وحلول ..
بتقدر تغير بوضعك وتحل مشاكلك هاليوم وعندك يوم أفضل وفيني قلك اخيرا بترتاح بعد توتر عندك يوم ايجابي وتحسن الاوضاع مع محيطك وبشكل عام في مال قادم الك من شراكة مع حدا ..
❤️عاطفيا .. تحسن بعاطفتك وفي حلول لعلاقتك بالشريك وامور ايجابية بتحصل ..
■النسبة المئوية :
●مهنيا : %72 ●ماليا : %75 ●عاطفيا : %69 ●صحيا : %73
#العقرب ♏
شراكات جديدة وعم يستفزوك ..
لازم تعرف كيف تسيطر على حالك وحاول تهدي وماتنفعل وعم تتعرض لكتير ضغط بهيك يوم وهالشي عم يخليك قابل للانفجار بسرعة حاول تهدي وتجنب اي مواجهة وكتير ممكن تعمل شراكة وتوقع عقد ..
❤️عاطفيا .. ممكن تنجح بهاليوم اذا كنت عم تفكر بارتباط واذا علاقتك فيها توتر فانتبه تنتهي ..
■النسبة المئوية :
●مهنيا : %63 ●ماليا : %61 ●عاطفيا : %69 ●صحيا : %67
#القوس ♐
انتبهلي لشغلك وصحتك ولاتهمل شي ..
انت بوضع حساس وحتى صحتك مو متحملة وكتير مسؤوليات وعم يكون يوم حافل بالشغل وبالامور والقصص يلي اذا ماخلصتها بوقتها رح تتراكم عليك مشان هيك نظم امورك وكمان ارتاح وانتبهلي لصحتك ..
❤️عاطفيا .. الاجواء منيحة لكن في توتر عم يكون واحساس بالأهمال لازم الشريك يهتم فيك اكتر ويساندك ..
■النسبة المئوية :
●مهنيا : %63 ●ماليا : %62 ●عاطفيا : %65 ●صحيا : %58
#الجدي ♑
حظك جيد ويوم لتشوف شخص بتحبو ..
من افضل الايام لتحسن وضع العيلة وبتتجاوز مرحلة صعبة ويوم منيح لاخبار حلوة مهنية ممكن تجيك فرص جديدة واذا بدك تنجح فحاول تستغلو ورح يكون وضعك منيح ويمكن تخطب وتحل قصة عائلية ..
❤️عاطفيا .. تحسن كبير بالعاطفة عندك وحب جديد ممكن او حتى رجعة حب قديم ..
■النسبة المئوية :
●مهنيا : %85 ●ماليا : %82 ●عاطفيا : %88 ●صحيا : %80
#الدلو ♒
عندك حساسية بالبيت وقصة صحية ..
كون هادي مع عيلتك وانتبه من تغيير بالشغل وانت بيوم متقلب التغيير وارد في انتبه لشغلك او حتى لمكان سكنك وكمان خليك جاهز واتبع الدبلماسية بتعاملك وخاصة مع افراد عيلتك ولازم تهتم بصحة اهلك..
❤️عاطفيا .. وضعك مكركب بدو هداوة حتى تكون الاوضاع منيحة مع الشريك ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %62
#الحوت ♓
بتشوف ناس كتير واتصالاتك تمام ..
عندك لقاءات وسفر وناس وحركتك بتزيد وانتبهلي من الحوادث كمان وتفاعل مع محيطك بشكل جيد وكمان اذا بدك تسافر فيك تسافر وانتبه من قصة بتخص النت وموبايلك ولحدا من اخواتك ..
❤️عاطفيا .. اذا في مشكلة بعلاقتك بهاليوم قادر تحلها لان قدرتك عالاقناع عالية فلا تتردد ..
■النسبة المئوية :
●مهنيا : %73 ●ماليا : %74 ●عاطفيا : %80 ●صحيا : %71
