#أبراج__اليوم__الثلاثاء__6__يوليو__تموز__2021 🔮
🌙 القمر بكمل معنا ببرج الجوزاء ♊
#الحمل ♈
يومك افضل بعلاقاتك وناس بتدعمك ..
يعني بعد يومين صعبين كانو عندك عم تقدر من الضهر تطلع من الضغوط يلي عم تعاني منها وتعيش اجواء اجتماعية حلوة مع اشخاص بتحبن وبكون في عزيمة او مناسبة وخاصة ضمن البيت لان في حلول ..
❤عاطفيا .. هدي الامور بالنهار ورح تحصل المسا على اوقات حلوة مع الشريك والناس يلي معك ..
■النسبة المئوية :
●مهنيا : %71 ●ماليا : %63 ●عاطفيا : %69 ●صحيا : %70
#الثور ♉
بتتحسن امورك بالعلاقات والشغل ..
يومك جيد وخاصة انك عم تعمل شي جديد وتوسع تواصلك ومن الضهر في اخبار لشغل وعلاقات ولقاءات باشخاص مهمة ومسؤولة وحتى في فرصة لشهرة عبر السوشل ميديا او ليكون في شغل جديد ..
❤عاطفيا .. فكر بتوسيع علاقاتك وانتظر اشخاص جدد عم تعجب فيك ويكون في حب ..
■النسبة المئوية :
●مهنيا : %71 ●ماليا : %73 ●عاطفيا : %75 ●صحيا : %78
#الجوزاء ♊
يوم لمال وناس جديدة وحلول ..
يبدو هاليوم عم يقدملك كتير من الحلول وعم يحسن حالتك لكن خليك حذر ماليا وفكر من الضهر بحرية اكبر واستغل علاقاتك الجديدة ورح يكون في حدا بعيد او غريب عم يدعمك ماليا ومعنويا ..
❤عاطفيا .. عندك افضل الاوقات العاطفية على مدار يومك بس استغل علاقاتك صح ..
■النسبة المئوية :
●مهنيا : %75 ●ماليا : %72 ●عاطفيا : %79 ●صحيا : %70
#السرطان ♋
يوم لتهدي وتعرف تاخد قرار ..
يبدو انك مو كتير رايق وماعم تعرف سبب الضغط والمواجهات يلي عم تمرق عليك ومن الضهر بتصير احسن وبتحس انو في حل لمشكلة او قضية شاغلتك وفي مال ممكن يجيك والاخبار لصالحك ..
❤عاطفيا ..هدي بعلاقتك اذا بدك تستمر ومن الضهر بيتحسن وضعك العاطفي ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %62
#الأسد ♌
عندك شغل كتير وضغط لازم تهدي ..
عم يكون يومك حافل بالقصص يلي فيها كتير شغل والتزامات ومو بس هيك حتى بالبيت مو رايق وخاصة انو من الضهر بتحس ماحدا عم يعرف يتعامل معك ولازم تهدي كتير اذا بدك امورك تضل بخير ..
❤عاطفيا .. لاتخلي الاجواء المشحونة تأثر على علاقتك وخليك بعيد عن اي قرار متسرع ..
■النسبة المئوية :
●مهنيا : %65 ●ماليا : %63 ●عاطفيا : %64 ●صحيا : %59
#العذراء ♍
يومك جيد لكن في تعب وشغل ..
من الايام يلي بشوفها حلوة عندك وخاصة انك ممكن تنعزم الصبح مع رفقاتك لكن من الضهر بتحس انو تراكم الشغل عليك وممكن تتعب من كتر الالتزامات ولازم ترحم حالك وترتاح شوي وتطلب مساعدة ..
❤عاطفيا .. عندك اوقات حلوة لكن المسا في شوية قصص بتخليك تعبان ولازم تلاقيلها حل ..
■النسبة المئوية :
●مهنيا : %80 ●ماليا : %72 ●عاطفيا : %77 ●صحيا : %75
#الميزان ♎
بتخل مشاكل وبتروق المسا ..
يعني من الايام يلي مافيها استقرار ببدايتها وخاصة بالبيت وكمان الشغل ومن الضهر بتاخد الامور منحى ايجابي وممكن تحل مشكلة عائلية وقصة بتخص طفل وكمان بتتحسن عندك الاوضاع المالية ..
❤عاطفيا .. انتظر المسا لتعيش اوقات عاطفية حلوة وممكن شخص يرجعلك هاليوم ..
■النسبة المئوية :
●مهنيا : %75 ●ماليا : %72 ●عاطفيا : %77 ●صحيا : %70
#العقرب ♏
استغل علاقاتك وانتبه ضمن البيت ..
عم شوف يومك جيد نسبيا اذا عرفت تستغل علاقاتك صباحا وتتحرك صح ومن الضهر بتشغلك اكتر امور البيت والعيلة وخاصة الأخوة يلي في قصص عم تربطك فين وكمان في تغيير بمكان السكن وسفر محتمل.
❤عاطفيا .. خليك قريب من الشريك وحاول تحافظ على استقرارك العاطفي بهاليوم ..
■النسبة المئوية :
●مهنيا : %68 ●ماليا : %63 ●عاطفيا : %71 ●صحيا : %69
#القوس ♐
اخبارك مالية وعلاقاتك بتتحسن ..
عندك هاليوم اخبار كتير بتخص المال ولازم تعرف شو بدك تعمل وكيف تحافظ على مواردك وكمان بتتحرك العلاقات عندك وممكن يزيد التواصل مع الاشخاص يلي حولك وفكر دايما كيف تستغل هالشي ..
❤عاطفيا .. عندك قدرة هاليوم تكون مع الشريك وتعيش اوقات حلوة بتواصل أو لقاء ..
■النسبة المئوية :
●مهنيا : %73 ●ماليا : %77 ●عاطفيا : %71 ●صحيا : %80
#الجدي ♑
اخبارك افضل وفي شي مالي ناطرك ..
يبدو انك عم تدخل يوم جديد عم يحطك بمواقف لتحسم امورك ولتعمل تصفية جديدة بعلاقاتك وغالبا كمان في امور مالية مشتركة بدها حل وفكر كيف تحصل على افضل النتائج وحل مشاكلك ..
❤عاطفيا .. ماعم تحس بالرضا المطلوب لكن بداية نهارك جيدة وفيها حب جديد ممكن ..
■النسبة المئوية :
●مهنيا : %81 ●ماليا : %82 ●عاطفيا : %75 ●صحيا : %74
#الدلو ♒
انتبه صباحا ومن الضهر افضل وضعك ..
ماعم تكون راضي عن وضعك او حتى عن الشغل وتعامل الناس معك وحتى صحتك بس اطمن من الضهر بيتغير كل شي وبكون في حلول وشغل جديد وكمان فيك تبلش رياضة وتعمل نظام صحي الك ..
❤عاطفيا .. عندك المسا اخبار حلوة وعم ترجع تحس بالحب عم يكبر عندك ..
■النسبة المئوية :
●مهنيا : %80 ●ماليا : %84 ●عاطفيا : %83 ●صحيا : %81
#الحوت ♓
استغل بداية يومك وانتبه بسهرتك ..
عندك بداية يومك جيدة وخاصة انك عم تجمع ناس كتير حولك وعلى رايك لكن من الضهر بتحس انو في تراجع ببعض الامور المالية وحتى بقصة بتخص طفل فانتبه خليك مع عيلتك وروق كمان ..
❤عاطفيا .. انت قدام يوم ممكن يكون جيد اذا عرفت تخلي علاقتك بعيدة عن الناس ..
■النسبة المئوية :
●مهنيا : %70 ●ماليا : %69 ●عاطفيا : %67 ●صحيا : %60
الفلكي منيب الشيخ
