((وان – بغداد))
القمر غدا يكمل ببرج العقرب ♏
الحمل ♈
يوم لحلول مال وشراكات ومصالحة ..
مريت بايام صعبة وضغوطات وصار الوقت لترتاح وتطلع من هي الحالة وتكون بوضع افضل وعندك فرص مالية من شراكة وعندك حلول لمشاكل حصلت ومصالحات كمان وتحسن وتغيير بالشغل بمساعدة المحبين ..
عاطفيا .. وضعك العاطفي احسن واحساسك بالشريك عم يزيد وعندك راحة نسبية ..
الثور ♉
يوم بدو رواق وخاصة مع العيلة وفرصة ارتباط للبعض ..
مرق يومك بدون مواجهات وأمورك بشكل عام عم تكون عبارة عن توتر علاقات عم يصيبك من كل شخص من المحيطين الك مشان هيك مو طايق حالك وبدك حل بدون ماتزعج حالك بالرد على ناس مابتستاهل ..
عاطفيا .. عندك فرص لشراكات جديدة عاطفيا بهالفترة ويمكن اذا مرتبط الشريك ابدا مو مريحك ..
التفاصيل
الجوزاء ♊
يوم لشغل جديد التزامات وقصة صحية ..
رتب نهارك ليكون تمام و كتير عم تكون قدام يوم حافل يمكن مافي وقت تحك ادنك الشغل كتير ولازم تلحق هي اذا ماكنت مريض بس اطمن يوم وبمر وبتتحسن امورك لكن انتبه للاعمال الضرورية عندك ..
عاطفيا .. وضعك العاطفي منيح بس احيانا الشريك عم يكون غبي شوي وماعم يقدر يفهمك وعم يزعجك ..
السرطان ♋
يوم بيدعمك بحب وفرص واخبار حلوة ..
عم تتحسن أوضاعك بهاليوم بعد توتر كبير وعم يكون وضعك افضل قادر بهاليوم تلاقي فرصتك وتسمع اخبار حلوة وعندك الحظ لتحصل على أوقات ممتعة وفي كتير قصص ايجابية الك واخبار ..
عاطفيا .. تحسن كبير بوضعك العاطفي والرومنسية زايدة وعندك قدرة تجذب حب جديد ..
الأسد ♌
ضغط كبير من المقربين عليك والمسؤولية عم تزيد..
بتنشغ بعيلتك هاليوم وممكن تتعرض لمواقف بخص أهلك وبتشعر انك بحاجة لهدوء يوم عم يدور بقصص عقارية بدك تبيع اوتشتري او قصص بتخص منزلك فكون رايق ولاتنفعل وانتبه صحيا كمان ..
عاطفيا .. حاول تكون بعيد عن استفزاز الشريك إلك وابتعد عن بعض الناس يلي عم تشكك فيك ..
العذراء ♍
يوم في احتمال سفر ولقاءات حلوة وشغل ..
تطورات داعمة عندك وبتشعر بحرية أكبر عندك أمور ايجابية بتساعدك لتتواصل مع محيطك تحصل على فرصة سفر وتكون مقنع بحضورك لكن انتبه من الحوادث ولموبايلك او شي بخص الاتصالات ..
عاطفيا .. يوم مميز لتقضي وقت حلو مع الشريك وتقنع بين الكل بجاذبيتك ..
الميزان ♎
شاغلك موضوع مالي ومصاريفك عم تزيد ..
احسم امورك المالية وراجع حساباتك لأنك بحاحة مردود مالي وعم تدور احداث يومك بين دفع وقبض وحاسس انك بحاجة موارد جديدة ويمكن تبدا مشروع تغير فيه وضعك والظروف عم تكون ملائمة لشغل ..
عاطفيا .. جاذبيتك مرتفعة وعندك قدرة على جذب المحيطين فيك الك ..
العقرب ♏
تغييرات مهنية وعائلية وانفراج عندك ..
الأضواء مسلطة عليك و عم تكون افضل وتغير وضعك كمان حاول تستفيد من طاقتك وتستعيد مكانتك وتحسن وضعك للدرجة يلي بترضى فيها وحاول تفكر بمستقبلك لتصل وتغيير مهم ناطرك ..
عاطفيا .. انت بحالة افضل وكتير عم يكون في دعم الك وقدرة على الجذب بهالفترة ..
القوس ♐
انتبه صحيا ومهنيا ومن حوادث طارئة ..
بعض الأمور عم تزعجك وانت بتكابر وعم تكون امورك بدل ماتمشي لقدام عم تمشي لورا حاول تهدي الاوضاع وماتعمل شي مهم لأن قليل الحظ وفي ناس كتير عم تظهر بوجهها الحقيقي وهالشي عم يدايقك ..
عاطفيا .. العاطفة عندك بحاجة لأنك تفكر كتير قبل ماتبدا علاقة مو موثوق الشريك فيها ..
الجدي ♑
يوم لتعزم او تنعزم مع صديق غالي ..
عم تطغى بحضور وسحر هاليوم وعم يدور يومك بين لقاءات بأشخاص بتحبن وعزايم عند غاليين على قلبك في اكل طيب وفي لقاء مميز بالمجمل عندك يوم مع الأصحاب حاول تعيش وتنبسط وتغير جو ..
عاطفيا .. حليان بطلتك وعندك لقاءات حلوة مع اشخاص قريبة من القلب ..
الدلو ♒
شغل مهم ناطرك لكن انتبه من كيد البعض ..
ساير وخليك ذكي وحاول تكون دبلماسي وتروق لأن عم يكون يوم مهم عندك بامتحان أو أختبار عندك وكمان فرص لتغييرات بالشغل بهي الفترة فحاول تكون جاهز وتستغل يومك لتصل للمكان يلي بتطمح الو ..
عاطفيا .. احداث مقلقة عم تأثر عليك مشان هيك بدي منك تروق حتى تصير الأمور أفضل ..
التفاصيل
الحوت ♓
يومك مناسب لسفر ولقاءات لكن خليك بالمضمون ..
تحسن عندك وتطورات ايجابية ويومك مدعوم بالحظ المالي والمهني ممكن تشوف ناس اول مرة بتشوفن ويكون تأثيرن ايجابي على حياتك كمان في كتير تطورات حلوة وسفر لكن انتبه من الحوادث ..
عاطفيا .. استغل يومك لتفكر بحب جديد او لتحسن وضع علاقتك بالشريك بعد أيام صعبة ..
