أحمد حلمي: فنان سخر من أذني ولقبني ب “ميكي ماوس”

تحدث النجم أحمد حلمي عن تنمر تعرض له في طفولته، على يد فنان شهير.

وحل أحمد حلمي، ضيفاً في برنامج sold out على قناة cbc، وروى الواقعة قائلاً: «تعرضت للتنمر بسبب أذني، لأن وأنا صغير كنت بقوم بثنى أذنى وأنام عليها، كل يوم وأنا نايم أقوم بطيّ أذني، فبقى عندى ودن أكبر من ودن».

وتابع: «كنت في أولى إعدادي، في مرة كنت في فرح بنت خالتى على مركب، وكان في فنان كلنا بنحبه في الفرح، وروحنا عشان نشوفه وواقفين قدامه وبنضحك ببراءة كده، راح قال لصاحبه الحق ميكي ماوس».

واستطرد: «شعرت بالضيق جداً إن حد اتريق عليا.. وعمري ما نسيت الحكاية دي، وبعدين قابلت الفنان ده بعد كدة، لكن مفكرتوش بالموقف ده».

وأوضح: «تعلمت إن أي حد بيتكلم معايا أقابله بالحب، وده من المواقف اللي اتعلمت منها».