أسعد الله اوقاتكم بكل خير ..أبراج يوم الاثنين

((وان – بغداد))
يسعد اوقاتكم بكل خير ..أبراج يوم الاثنين 2أبريل2018

القمر بينتقل بكرا للعقرب ♏

الحمل
عندك اليوم مشكلة مالية وانتبه لصحة حدا بيقربك و لطف الأجواء و حسن علاقاتك قدر الامكان بعد ايام كانت صعبة .. كمان دير بالك على مصروفك وممكن تحل امور قضائية او تصالح او حتى تشفى من مرض ..
عاطفيا .. المشاكل ماعم تخلص بينك وبين الحبيب حاول تحلها بهاليوم وقرب وجهات النظر

الثور
توتر كبير وللاسف عم تحس بالظلم وتعبان يمكن اليوم لاتحاول تنفعل واهدى لأن توترك ممكن يسببلك المواجهات مع محيطك .. ابتعد عن الأجواء المشحونة قدر الامكان لأن بتحس الكل ضدك وخاصة بعلاقاتك المهنية . .
عاطفيا .. لاتكون عصبي زيادة وخليك قوي العلاقة بدها اخد وعطى ومو مرتاح و عم تنفعل من أقل كلمة

الجوزاء
شغل كتير وتعب لاتخليه يتراكم واستعمل قدراتك واستعين بحدا ودير بالك على صحتك اليوم .. وخليك شاطر وذكي متل ما منعرفك حتى لو مشغول كتير بس انت قدها اذا بكرت لشغلك وتصرفت بتنظيم ..
عاطفيا .. طريقتك وانتقادك هالايام عم تزيد العلاقة توتر وسوء حاول تساير شوي لتنحل ..

السرطان
عندك يوم ايجابي في نجاح لإلك في اخبار حلوة وانت نشيط وقادر على اتمام امورك بافضل حال .. حاول ماتتسرع وخود وقتك لتحصل على افضل النتائج يلي بدك ياها واستغل الفرص المتاحة…
عاطفيا .. حب ورومنسية عم يعطوك اوقات كتير حلوة انت بحاجتها لتعزز علاقتك ..

الأسد
امور ومسؤوليات العيلة تاعبتك حاول لاتستفز افراد عيلتك وحافظ على هدوئك وانتبه من التعصيب ..كمان دير بالك على اهلك وعلى صحتك وممكن احد افراد عيلتك بحاجة لمساعدة خليك متعاون ..
عاطفيا .. أنت لازم تخفف من انفعالاتك قدام الحبيب عم ينزعج من هالشي و انتظر تحسن عاطفي .

العذراء
يوم حلو للدراسة والسفر والمشاوير انتبه عالطرقات من الحوادث واستغل الحظ يلي بيدعمك وادفع بمصالحك .. فرص حلوة بتجيك بمجال الاتصالات والانترنت عندك القدرة تغير بس انتبه يتجاوزك الوقت وتتأخر بشغلك ..
عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..

الميزان
يوم للشغل والمال لكن انتبه لمصروفك ومن التحايل واستغل اليوم لتكسب مصاري اذا بدك .. ناقش مشاريعك بحكمة وذكى لتصل لهدفك وحاول تكون أسرع بشغلك وعادي اذا حدا ساعدك ولاتتردد بطلب هالشي ..
عاطفيا .. انت محتار بالعلاقة حاول تحدد موقفك وتبحث عن ثوابت واستقرار ..

العقرب
تحسن عندك بعد ايام صعبة اليوم قادر توصل وتسمع اخبار حلوة وأحداث بتغير وضعك للأفضل .. والامور رح تكون منيحة تفائل وبادر لان الحظ عم يكون جيد وعم تكون قادر تحل مشاكلك وخاصة العائلية والمهنية وخليك ايجابي..
عاطفيا .. خبر حلو ولقاء مميز وتحسن بالمعنويات اليوم فلا تخاف وكون واثق من حبك ..

القوس
حاول تروق لأنو انت ابدا مو مرتاح فوضى تأخير تأجيل تعب هي حالتك اليوم .. لاتخاف رح تمر بس انتبه من الخسائر و حافظ على الامل واصبر انتبهلي لصحتك وارتاح كمان وكون بعيد عن التشاؤم ومرقلي اليوم ..
عاطفيا ..ممكن خيبة امل جديدة عم تمر فيها وقلق من القادم لاتحكم بسرعة وانتظر بس هاليوم ..

الجدي
بتكون مميز بطلتك وعم تذدهر اليوم حياتك الاجتماعية اطلع ولاتضل لوحدك شوف رفقاتك وقضي اوقات حلوة .. بدي منك تتفاعل مع الناس ورح تحصل على يوم حلو اجتماعيا لكن لاتتصرف بتسرع ..
عاطفيا .. فرصة لتكون مع الحبيب اليوم وتجاوز المشاكل يلي عم تخرب العلاقة ..

الدلو
يوم مهم فيه أمل بالرغم من الضغط يلي انت فيه اثبت حالك بالشغل واستغل الفرص وحاول ماتهمل شي ..بدي منك ماتقلق وخليك دبلماسي وممكن تبلش شغل جديد واذا كنت غير مبالي فاحتمال تتعرض لنقد انتبه .
عاطفيا .. كون بعيد عن القرارات الحاسمة بعلاقتك ولاتعطي كل ثقتك اذا ماكنت واثق من حبك .

الحوت
أخبار حلوة وتحسن كبير ويوم منيح يمكن تطلع مشوار او تشوف حدا غالي على قلبك بهاليوم .. ممكن تكتر اللقاءات عندك وتلاقي الكل معك وفرصة للتعامل مع ناس غرباء وسفر واتصالات وعندك الحظ ..
عاطفيا .. من الأيام الداعمة ويلي بتلاقي حالك فيها عم ترجع شي من الرومنسية مع الشريك ..