أسعد الله اوقاتكم بكل خير…أبراج اليوم الأحد4مارس2018

((وان – بغداد))
أبراج_الأحد4مارس2018
القمر مكمل ببرج الميزان ♎

الحمل
بعدك مو رايق وفي شي عم يعملك ضغوط كبيرة مع هيك ممكن اليوم تمضي عقد مع حدا وتحصل على شغل بشركة .. بس انتبهلي من المواجهات لان انفعالك زايد وحاول تساير وماتتحسس من الكلام وطنش اذا فيك ..
عاطفيا .. بيحملك اليوم فرصة لارتباط لكن بعض العلاقات بتكون مهددة بنهايتها بسبب الانفعال الزايد

الثور
عم تدخل يوم متعب نسبيا جسديا ونفسيا عم تشعر انو في شغل كتير وتراكم .. لازم ماتتأخر بالشغل الضروري وتنتبه كمان لصحتك قدر الامكان وتكون جاهز لاي مسؤوليات جديدة وبدون انفعال الله رضا عليك ..
عاطفيا .. لما تفوت علاقات كتير ومايزبط معك شي مو يعني مالك حظ لا بس يمكن فرصتك ما اجت بعد ..

الجوزاء
تعبت كتير اخر فترة وحسيت الدنيا مو واسعتك وكنير ضاقت عليك من كل النواحي .. بس هاليوم افضل عم يساعدك الحظ فيه ويعطيك شوية راحة واخبار حلوة وفي فرص لتكون بمكان مناسب وتستعيد شي من حيويتك ..
عاطفيا .. عندك فرصة لاوقات رومنسية استغلها بهاليوم لتكون منيح

السرطان
اليوم ممكن يحملك تغيير ببيتك او قصة بتخص العيلة والاهل عندك وهالشي بكون مزعج .. حاول تكون حكيم وما تتسرع وحل الأمور بهدوء وانتبه من عصبيتك ومزاجيتك ولاتحملها ..
عاطفيا .. ابتعاد الشريك والاهمال عم يحسسك بالوحدة احيانا ..

الأسد
من الأيام الايجابية والداعمة ويوم انت قادر فيه توصل رأيك يعني بتقدر تقنع اذا عندك شي بدك تخبرو .. وكمان فرصة للسفر وتغير جو مع الاصحاب او تطلع شي مشوار وتتحرر من وضعك ..
عاطفيا .. مشوار رومنسي ناطرك حاول تكون مع الشريك وتقضو وقت حلو مع بعض ..

العذراء
ضب أيدك اليوم وعم تعيد حساباتك و عم تحس انو ماضل معك مصاري صرفت كتير وصار بدها حل .. يمكن في مصاري تجيك من شغلك ويمكن تسد المصاريف ويمكن لا حاول تفكر بشغل جديد وموارد غير عندك ..
عاطفيا .. أفكار متعبة عم تعيشها حاول ماتسمح للمشاكل الصغيرة تأثر عليك ..

الميزان
عم تكون بوضع افضل وتحسن كبير عندك لكن لازم تغير تفكيرك وتفكر بالمستقبل وبتفائل ولاتلتفت للماضي ..وبدي منك تشتغل لتحل مشاكلك وترجع ثقة الناس فيك وتكون مقنع والحظ بيدعمك بتغييرات بشغلك ..
عاطفيا .. انت امام صفحة جديدة بحياتك العاطفية او تجديد لحبك لتكون افضل بكتير ..

العقرب
بتشعر انك ضايج وفي احساس ماعم تعرف سببو او انو مو مرتاح وبدك تعمل شي بس ماعم يزبط وامورك واقفة .. وانتبهلي حتى لصحتك يمكن مو منيحة حالة طبيعية اصبر ولا تعمل شي مهم وبعد هاليوم اكيد بتكون افضل بكتير ..
عاطفيا .. انت بحاجة لمشاعر صادقة وشخص وفي بس مو اكتر وماعم تلاقي هالشي ..

القوس
يوم اجتماعي عم يكون حافل بالجمعات واللقاءات مع رفقاتك وعم يكون في عزيمة من شخص غالي .. و فيك تستفيد من صديق اذا كنت بحاجة مساعدة لاتتردد وامورك افضل رح تكون ..
عاطفيا .. انت محبوب بس يمكن بعد ماوصلت للرضى والأصدقاء رغم كترتن ماعم ينسوك حدا بالقلب ..

الجدي
بدي منك انتباه وانت اليوم قدام اختبار ولازم تكون جاهز العيون عليك وفي ناس بدها توقعك او عم تشكك بقدراتك .. فخليك جاهز لتغير امورك للأفضل وتكون بالمكان يلي بتطمع الو بالشغل وبحياتك المهنية ..
عاطفيا .. انت ضايع وبدك استقرار وهالشي عم يتأجل كل مرة او ماعم يعجبك تصرف الشريك ..

الدلو
انت افضل ونشيط بتستعيد حيويتك بتفكر تسافر او تعمل شي جديد بحياتك .. كمان عم تحس انو في مشاكل بلشت تنحل وانك عم تلاقي الحظ اللازم لتصل للي بدك ياه بهاليوم ..
عاطفيا .. من الأيام المميزة يلي بتساعدك لتملك قلب الشريك ..

الحوت
يوم مريح نسبيا بعد أيام كانت من الضغط والتعب لكن اليوم عم تحصل على يوم جيد عم تطلع من الأجواء المشحونة .. قادر يهاليوم تحل بعض المشاكل او قضية قانونية وتشفى من مرض وكمان عندك امور مالية عم تناقشها .
عاطفيا .. لاتترك أمورك معلقة وحاول تفكر بحل واطمن كل شي رح يكون منيح ..