قصر نظر.. مايحدث من ضحك على الناخب

حسن حنظل النصار..
الناخب شجع المرشحين النص ردن على التجرؤ و طرح أنفسهم كممثلين للشعب وفق سياسة الهوي هوي.
الناخب يريد سبيس و بطانية و تعيين حتى لو بعقد و ما يدري هذني مو واجبات السلطة التشريعية و مطالبة النواب بيهن خلاهم معقبين مال معاملات همهم رضا الشارع و ليس بناء دولة!!!
عيني الناخب اروحلك فدوة…
العراق هسة يشبه ألمانيا بعد سقوط النازية.
إذا يجيك واحد يگلك ألغي عطلة السبت و نتحزم كلنا و نطلب دعم دولي كبلد منكوب و ندگ أساسات لبلدنا ممكن تطول دورتين انتخابية هذا صدگي و ما يريد يقشمرك.
بس إذا إجاك واحد ما تدري منين دفع فلوس الترشيح و الحملة و گالك أعينك و ابلط شارعك ترى هذا قفاص يريد يصير براسك و يعين ربعه و بناء البلد مو آخر همه، لا ما يعرف يدگ طابوگة حتى يبني حايط بالبلد!
چا عبالكم اليريد يشتغل و يلغي العطلة و ما يچذب يفوز؟؟! لا وعلي يفوز هذا الكلاوچي ما دام ثقافتنا الانتخاببة نص ردن و عود تتلاگى الوجوه.
وانتم بكيفكم
#وعي
🛑ملاحظة : أن كل ما ينشر من مقالات تعبر عن رأي الكاتب ولاتعتبر من سياسة الوكالة..