المهم. المذهب. بخير. والمكون. بخير. والقومية بخير

/حسن حنظل النصار. /
المهم. المذهب. بخير. والمكون. بخير. والقومية بخير
وساستهم. بربيع مال وجاه وخدم وحشم. …،
من خِلال تجوالي المتواصل بمناطق العِراق واختِلاطي بجميع فِئات المُجتمع تقريباً أكتشفت من سنوات حقيقية ,وهيَ أنهُ عدنه هواية ناس مولعين بِجلد الذات والإحساس بالدونيَة والنقص , دائماً يبدأون كَلامهُم بـِ أحنه العِراقيين ….. كذا , والمُجتمع …. كذا , والعِراقي …… كذا , ودائماً ما يكون الوصف انتقاص أو تحقير.
يابة الله بالخير عليكُم , استهدوا بالله , شبي العِراقي؟ صحيح عدنه أمور سلبية هواية بس عدنه ايجابيات بَعَد أكثر , ليش نحچي بس بسلبياتنه؟ أوكِ لا بأس خلي نحچي بالسلبيات بس خلي نحچي بطريقة النقد البناء , مو التسفيهي التسقيطي.
ألي جرى علينه من تأسيس الدولَة العِراقية الحديثة ولليوم من كوارث تشيب لها الولدان ولو صايرة بغير بلدان ومُجتمعات چان أنتهت من زَمَان وتلاَشت , ومعَ هذا احنه العِراقيين صامدين وعايشين ونمارس حياتنه بصورة طبيعية ونحشش ونشتغل ونتزوج ونمارس كُل الاُمور الحلوة.
إذا ردنه نبني بَلَد ونتقدم ونضمن مُستقبل زاهر لازم أولاً تكون عدنه ثقة بأنفسنا وقُدُراتنا وأن نمارس النَقَد البَناء الايجابي باستمرار ثانياً.
وسلامتكُم